شكشكـــة من بـــاب الفزلكـــــة

شــــك الحـــروف

وشــك الإبــر

شك الحروف

ولا ألف شكه .. ح تحك .. حكة ..

فى جلد ميت    وعقل سكه !

شك الأبر

شك الأبر رفة بصر فى ليل عطيس مالوش قمر.

أعزل .. أسير العجز طالع تحارب سيفك قصير الهمة عايز تطول

راهنت ع العفة نسيت الأصول ع الصبح كدب تصلى فرض المغارب صيفك شتا.

وتايه ما بين الفصول.!

يا ما نفسى يا ضى عينى يا بلدنا تسمعينى قدما خدتى ومن حضنىاتاخدنى

مرة فى حضن خدينى وقد ما بتقسى وقادرة إن تنسى مرة حسينى .. واسينى

أنا مش ح أقدر أحبك إلا قد .. ما تحتاجينى ..

يدقوا طبل الحروف أشرب لهاليبها ويعلوا مدن السلام أسكن سراديبها

بعد الجمال والوبر طاورا بألف جناح تماسح وأشباح يفوتوها خردة

وأنا اللى اكنس كراكيبها فى السوق .. البنى آدم حوت أو برغوت

جن مصور .. أو هلفوت متغيره صورته / متنكر عالى الصوت

ما تبانش حقيقته إلا لو اتنتفت ريشته أو انكسرت شوكته أو كشفت عورته حقيقة الموت

الشوق هموم تل فين فى القلب تخفيها فاياك .. لا تخجل من الآهات تداريها

عشقك يصارحك أصرخ فى فرحك وجرحك الأمل دساس والحر ..

مهما تعله الناس يداريها .. لعنه لو بطالة إيدى عمرى ما ح أعيشك عواله

حتى ورغيفى نخاله ففكى قيدى لا ح أقول للكلب سيدى ولا للغوله يا خالة

الرضا الخواف ندالة .. وزى ما الأكاذيب حويطة الأساطير مش محاله

فيه خلق مزمار وطبلة وخلق خرج الندف بيبيعوا فى خلق هبلة عادمة الشرف

من عهد مينا .. لحد أخر قرية عند حد مصر العشة عشه والقصر .. قصر

وعلى الشطوط النيل بقد حمل الضهر قهر يملا حضن الجوز جوافة

وتوت وموز عصير بيسلم لعصر اللى تقطعه الهزيمة يوصله بالصدفة نصر

عميت بحبى ما شفت شوك الوردة حسيت فى ضعفى بالأمل مالح

رضعت بكره من حليب النهارده وعشت لك أمضغ رغيف إمبارح

للهرم أربع زوايا للبنى آدم كتير خافى إيه تحت العباية ياللى كان إسمك سمير

خفت ليه لما المرايه قربت منك كتير الخفايا عايزه بير والفقير

وقد ما يشمل من خطايا قد ما يصبح كبير. الفن ضربة ريشه جرة قلم

تدخل قلوب الخلف شهقة نغم ساعات تكون الريشة سيف الضعيف

وساعات يكون للحبر طعم رغيف لكن ضرورى خفيف نحس الألم

على لسانى محيرى ومخبى فى القلب قهرنى دبرنى للى تصبرنى

حال الناس ليه حال .. اتغير واللى ف ايده أمانى محير بين القوت والموت خيرنى..

يا اقطع من لغاليغه لسانى ي أبيع قلبى للى كسرنى..

حتى فوق القمة البنى آدم – يا حسرة عليه مجرد. رمه الدوده اللى احست

عقله الصاحى قتلت فه الإحساس بالناس خربت فيه الذمة بتستناه على شوق

لجل تقرتقض عضمه ولحمه بقلة ذوق .. وبهمه.. فين راح ترسى مركبك .. دق

دانت قضيت العمر .. تزق راكب الكارو وعامل قيمة فن وسيما وعقلك .. حق

قص لسان خيبتك دبرها لهف الحسبه اللى مخسرها حبه فى حبه. خبا قمرها

وفاتك فى أرابيزها تلق..

جهزت نفسى عشان أقوم بالأدعاء حفظت كافة ما التزم بيه البشر

قال حضرة اللى ع المنصة إسمك إيه .. ؟

فى أب نطقته إهتز شنبه واتنتر ولقيتنى فى قفص اتهام رهن الغباء

متهوم بفعل العيبة وبقصر النظر .. سيبت الكدب يحوط. حوالينك سور

سآبك مكسور والقلب اللى كان عصفور على شجر العالم حتى وهو مأسور

راهن شمس الحق على شجر الزور فأصبح زى البيت الوقف .. هديم مهجور ..

مال الميزان فجأة ما بين أهلى واولادى وفاتنى صاحبى القديم حين شح زوادى

وبعد ما عودونى أغنى فى هواهم قال خيرونى اختارولى أموت على هواهم

ساقونى غصب فى هوى الدنيا اللى سايقهم انا سقت فى عنادى رعب .. احترت جلادى

لو تقدر على نفسك .. خبى لون أيامك بالنعم البمبى خفف شطحة أو هامك ..

إختار من بحر الشارع ميه الوانك لا الأبيض عكس الأسود ولا ممكن إحبك أكثر من نفسى

فازاى أخبز لك غلة أمسى على جمر اليأئس من أحلامك .

بديت كلامك بالصلاة للعادى ورسمت دنيا مزوقة لأولادى

غزلت لى تياب الفرح بحروفك امنت بك حتى ارتضيت بظروفك

آمنت ليك لبشت قلبى بخوفك أعمانى شوفك عما ولهفت زوادى

حل الزمان اللى فيه العاشقين خابوا وكل واحد رضى من المهم بنابه

اللى افتروا عابوا واللى اشتروا البال بجاه المال وبحسابه .. نصروا الشتاع الوطن

واتدفوا بابوابه واقفة على الناصية تمدى الأيد ياللى قديمك كان صبى وجديد

كعب المدن داس ليه على ريفك قطف ربيعك وردته لخريفك

بيسمنوك للدبح يوم العيد إذ عودوكى ف موسم التجنيد تدارى جوعك تهتفى للسيد

وتقدمى للعسكرى رغيفك. حقك عليه يا خال غلطان . سامحنى وسط الزحام والضجيج

أتاريك لامحنى .. أنا كنت فاكرك نسيت يا صحبى زى الغير غما عينيه الزمان اللى شتت

أغنيات الطير بلقب بارد وسيف جاحد مجرحنى. فى زفة النصر شربوا دمى شرباته

ويم الهزيمة نسوا بالغدر من ماتوا أنا الحطب للحريقة يا وطن من قش

غصب وسريقه حرام فى الحفلتين أتحش لجل اتعصر للوالى .. مزاته.

باينه الكون اختل – إحتاس والأيام الخل دى أغبرها حكيم القول الحر انداس

والسوق أكلت تجارها .. والشاعر قطع الأنفاس / عساس بادل نفطها بقمرها

وانت ياللى عشقت الناس رقاص بتسامح تعذر أشرارها لحد

ما ملكك وسواس بيوزك تخسرها. فى الجو ريحة شذوذ خرافى دهول مسار الطبيعة الثقافى

رمل حديد الأساس العجوز الناس عصب مهزوز همومها حد الحفافى

تضحك وتضرب بوز الفرحة ضل خديعة والحزن غل ووجيعه أو خوزقة مهموز

صبح المؤكد .. يجوز ساعة خروفها يعوز ترقد نعاجها مطيعة ..

على قد ما انت ح تروح فى نومك متهنى قلبك بضعف قومك البحر فاكره سخره لعومك

فلا عشت يومك فرحان بفكره ولا عشق تسهر حزين لذكرى واحدك ح تيأس فى ليل همومك

والخضره تيبس على قدومك. حتى لو من نسل حره العبيد تفضل عبيد قش ناشف للحريق

حلوه والا العيشة مرة تبقى غبره ع الطريق واللى باع النفس مرة مش ح تفرق جوه بره

يوم ما تغرق راح يدوس أقرب صديق ناس بتبنى .. وناس تهد

وناس على قدها تمد الغم نظره يا ست والعشم شى الله يا سيد واللى راح يدفع يبت

المصالح .. فوق قاون السوق يا فالح اللى راح يعجن يلت واذا فى صدرك نفس

شد واكتم راح تسد الجحش قال للبغل خالك مين ؟ قام قال له ما تفرقش

ما دمت حالك زين ع لأصل ماتدورش سواء كنت قلب حزين أو كلب ما يعورش

عقلك ما هوش وياك .. ديلك طلع فى قفال .. عيبك يا جحش قديم طبعك وما اتغيرش

ما دام اللى يركب بيضرب ما فرقش تعرف مين .. كتبت ياما وقريت لفيت ولا اسكتفيت

لا يوم بيشبه ليوم ولا يغنى غيط عن بيت ليه لما جيت حبيت واحدة بذاتها وحيده

فى لحظة هبله سعيده ظنيت بها استغنيت عن كل ما اتمنيت ؟

يا عمى صبرك . على همى دموعك ليه ؟ قال لى سعادة المناضل صار سعادة البيه

أسطى خربها وقال الحال ألسطة وعال وقعد على تلها يعقد لها الخية من لحم أصحابه جايز

وبحرام المال حالف ليدفنها حية بقوة الفلاحين .. وبقوة العمال.. إنتظار

طول ساعات الليل وأطراف النهار كلنا .. بربطة معلم فى انتظار

يا ف طوابير الطلوع ياف تعاتير الوقوع ياركوع تحت الحصار وأما نتمنى الرجوع

ننسى قطر الليل يا يفوتنا النهار أرامى الكتب وامتثل لحضارة الرعيان

وعود الشعر عشق الخمره والغلمان راجعه خلافة أمية وسلطنة عثمان

بنوك صرافة – تبدل المكتوب بسيوف بنى خردلة وحروف بنى عدمان ..

راجعة ليالى الموالى أسود من الخروب لأدهم رهن ناعسه رد ديون.

فدو ذنوب وحسن دخل زواريق الديوان سجان .. اللى كرهك عمره ما تبقى حبيبك

واللى ضاع على سهوه منك عمره ما راح يملا جيبك ..

واللى فلتك يوم رماك .. مش مقدر له يصيبك واللى صابك يوم فى مقتل

لوح تعقل ؟ هوه عيبك . حد براحك قد ما يشيلك جناحك ..

ما فى اكترم اللى كان ح يكون نصيبك .. الشعر أصبح يبنتمى للماضى

مثله كمثل السحر والأساطير ضاع الخيار من كل شىء . ما سمير

كاتب موظف ومبدع عسكرى ومدير كبير بقدمه وصغير

الرسم زى الفجل والمسامير الكل ع الكل راضى ..

فبقى اللى فاضى بدل قاضى ورئيس تحرير هذا زمان الحمير وكترها من بخت حرس الأمير.

شىء إنسانى يخاف الإنسان الموت خصوصاً لما يحب .. أو عند طفل ومحتاج فى حمايته يكبر ويشب.

فيحلم له بالحرية .. وشريف القوت .. لجل يميز بين أهه فرح التضحية

وآهة كتم الصوت .. يا ملسنين يا أشناب العته أكلت كتب تاريخكم

فى مجالس الأنس أو فى مجالس النواب جوه حريم الجوارى.

أو فوق نواصى الحوارى معطلين سير التاريخ بصريخكم صار عرف جارى

سارى العساكر رطن يسارى شرخ .. لبخكم يا اللعبة باخت

يا شاخ شيوخكم وأقبل زمنك على علاته سيب خطاويك للأيام

كنت زمان فاهم نزاوته .. بجنونه وشوق جناية وجراحة أهات الأحلام ..

دلوقتى يا عقل خليك متفائل ح يجامل خوفك أغواته وح تقدر تقبل خرافاته

ما تشوفش الكدبه ولو أعلا من الأهرام راهنت يا ابو اللهم على قوتك

عنتر زمانك حكمت فى أمتك خرسها عليت سيوف كلمتك وحسبتها رهن الرغيف والخوف

عدمتها الشوف ماشا فتش عربك فى نهار خرجتك علشان تكون صاحب عمود

أو رجل كرسى معتمد يلزم على نقبك شهود ويكون لك أخوال فى البلد

تلقى العيال تهتم بيك ويبوس إيديك غفر العمد فإذا اتحسبت فى العدد

بقيت ولد .. حتى وانت مستجد .. لك حق تغرف م المدن وتعتمد كاتب بجد.

اتولدنا عريانين ح نموت عرايا اللصوص والعاشقين العمد والمجنونين

العساكر والضحايا يا حبيبتى تهتى منى فجأة فين .. ؟

كان فى نفسى تلاقى ما ف نفسك حدايا من زمان فاكرانى وأنا فاركرك معايا واتارينا متباعين

أوليا .. قبل الولايا .. كان مالى ومالك أنا كنت ف حالى راضى بعيشة أهلى وعيوب أخوالى

صدقتك غنيت موالك حطيتنى ف بالك فرحطيتنى ف بالك فرحتنى بكاتبة أسمى

بالرقعة فى دفتر أحوالك فرقت أيامى ولحمى الحى على عيالك

ما خطرشى فى بالى إن ،أنا لحظة فى وحى خيالك.

فايده على حساب .. رسمالك . طال الحصار .. والعلة مخيفة

مين اللى سمم جرعة الميه دلونا يا أهل الحجا .. الدايرة ليه بتضيق

وياللى طالب دمايا أخ والا صديق ليه يا رفيق الطريق والخية

وأيه اللى قلبك عليه لسة القضيقة فى الساحات منظورة والمتهومين ما بدلوش الصوره

وان كان شهودى نفسهم مكسورة الصبر عز حر القهر ضلى حقيقة

وحلمى أجمل رغم سوء النية .. شعرك نيل كوثر ونخيل عمرك ضحكة طفل جميل ونبيل

لكنك بتلاحق أيامك والأيام بتلاحق خايف ع اللى وراك قلقان ع اللى قدامك

مع انك كنت بتملك عمرك كله فى لحظة من أحلامك على قد أيامك

قبل ما تغرف فى التفاصيل لما البنى آدم تغوية الدنيا كرشة يساعى محيط واسع وغويط

دهاليزه تجاويف تخاويف تخاريف مليانه جواهر لولى أو سبيط

لكنه بيفضل رغم الموجه الهوجة وعز الوز .. عبيط

نفسه يرجع طفل بسيط يقدر يفردع الشط ورقته البيضاء

ويملاها من الأول بالشخابيط لازم تقلق .. تهتم لو باقى وشك حبة دم

تعرف إن الفرق ما بين الميت والحى إنه بيلحلم لسه بالزمن الجاى يخاف م الضلمة

يجب ويشتاق للضى يشيل قلبه الهم لو حس فى لقمة عيشه بطعم الدم

أكثر ما بيكره قلبى من الناس اللص الكداب وخصوصا لو كان متعلم

وبتاع أقلام وكتاب لأنه بيقدر حسب الوقت أما يعوز يتكلم يا يوج حماس

يا يزحف على جلد الخوف الوسواس .. متألم ويلاقى تملى القدرة بحساب

يدارى الوش المكشوف بحروف .. رنانة أو اشناب

فوت يا زمن .. مد عجل نفسى أشوف اللى مخبى . أنا مستعجل

ما عادشى باقى من الأحلام إلا الحزين والمتبرجل فين الرجال الرجالة

فين البنات الخيالة .. الحال صبح خنته وحاله ولا باقى على أى طواله

إلا الخسيس والمسترجل رجعت ليه يا بدر من طى السحاب إحنا خدنا ع الغياب

أرتضينا الليل عطيس ريش الغراب النجوم رضيت تهاويش الغيوم

والظلام عودنا على عيش الهموم عدت فجأة ليه .. فمررت العتاب

حين كشفت ف قسوة خرابيش السحاب

قلبى عليك .. ياللى بتملك نفسك يا مطير العصافير من الأقفاص

هربان لبكره ليه نسيت أمسك طمعان يطيب قلبك من الوسواس لعلع صهيل صوتك

بشوق همسك .. واياك تعيش مقسوم تراضى الناس

فجأة بيصبح عيبك .. إنك شاعر روحك فالتة بتنهج ع الأوراق

وجروحك بتنز مشاعر يحسدك التاجر ع الأشواق وهو بيحلب بز الأسواق

ويغير الداعر والفاجر النايم قايم فى مقبرة الأشواق

يتهمك انك جاحد كافر .. علشان قلبك لسه بيغنى

وعايش أحلامك العشاق .. شجرة التوت الوحيدة فى الغيطان

مهما شافت كل يوم أحلام جديدة عمر ما حست بأحزان الجوافة

أو بأفراح النخيل لون البلح أو بشوق السيسبان

للمسافات البعيدة إلا لما تزورها بالحواديت عصافير الفرح..

بنجوم وليده .. فحمنى شوقى للبكاء أول ما شفت عينيك

بتبص ليه من ورا العمر القديم (عبر السنين الحالكة)

وسمعت أسمى بيرتعش عصفوره على شفتيك

قلبى العجوز اليتميم كان ناوى ع التسليم

لولا أنه حس الزمن مسافات على كفيك حسابات خيوطها فى شروطها ملعبكة

كل الأيام راح تصبح ذكرى أول ما تفر جيوش الليل قدام شمسة بكره

وتصهلل ضحكات الأطفال ورا خيل لاقلام ع الكراريس

وخيوط الطيارات المقصوصة من ورق الجرانين البايتة

اللى اتخلقت واتخنقت فى سطورها .. مليون فكرة وفكرة

صاحبى – الميت قادر صوته الصاحى فى ليالى الحزن

يمد لبكرة براحى .. يصحصح فيه الإنسان والشاعر ..

ويقدرنى على أخوه الحى – الفاخر اللى ملامحه فى مرايتى قزاز وخناجر

بتشق القلب وتدهسنى متاجر ومساخر أو كعب عساكر..

ويحررنى من ذل جهالته اللى بتعكر بحرى ..

تحط الملح المالح فى جراحى .. جحا الحديث ببنطلون (جينس) وقميص

ساعات حرامى ساعات بوليس .. ساعات أديب شاعر خسيس

لكنه مهما ضعف / ما خان ولسه فيه ريحة رمان

يعيش فى حركان الغرام يضحك وقلبه جريح تعيس

والسر لو بالعشق بأن تلقاه عريس ليلة الخميس

أبو علوه المش فاهم / فاهم متعكز ع العرف الجارى متسندع الحيط الدايم

وانت .. يا ابو المخ المترتب يا قرارى .. يا ناصح .. يا يسارى

فى الميه كما الزيت العايم لا قارى الترتيب السارى

ولادارى بسر المتدارى ولذلك (غلوه) المتفاهم .. ما شية معاه صيت ومصارى

يا مشيل امبارح ذنوب اليوم مأزوم ومن تقل الألم مهموم

خف .. الندم يا قلبى مش ح تعوم هذا زمان إنعدام العفة والإحساس

طويل لسانك يا أمل مهزوم .. الصدق هم ولوم

عشان يوم بالصدفة تصحى الناس م النوم تشوف

عتب اللئم مهدوم .. نلما بصيت فى عيونك داب كيانى

وفى خيالى .. عشت عمرى الأولانى اللى ما عشتوش زمان ..

قلت ح اتشجع والومك ع اللى كان رف طير العشق ما طاقش المكان

واختفى وفاتنى على حافة زمانى .. فرحتى حرسا على طرف اللسان ..

أنا وحدى همك طابق على صدرى جدى بالكدب مصغرنى ألزمنى الحد المش قدى

يا والدى – صارحنى ما صار حنيش يا ولدى سامحنى ده مش ذنبى

قال كان ودى .. السوق ع الحلم ما سامحنيش والطير الطاير عايزنى ..

أكمنى مقوص الريش .. باحلم .. وكأنى حلمت بحلم

فيه إيدى عاجز ومش طايله وصحيت ولقتنتى بدون ما اعلم

وكأنى عشت بأمثل فيلم فيه صورى على حيط الشاشة

طول عرض الدنيا الغشاشة ومرار لأيام البكاشه بين حرب وسلم

ده فيلم ؟ .. لاه ده حلم؟ .. حاشا أمال فى بالى ليه .. كان علم ؟

ليه نحيف القد يا ضعيف بتنسى أنك ولد ريف وأهلك اللى

قلوب من شجر الجميز

الخلاص .!

وفر رأسك .. تلقى خلاصك دوس على ام نافوخ الدنيا بكعب مداسك لكن .. غنى طول ما انت مؤلف على ناسك .. غنى حتى لو مأزوم – غنى لو حلمك مهوز – غنى صاحى أو رايح فى النوم عصرك متدين أو متدنى ..

غنى أرفع راسك بحلق حتى فى عين اشمس إحرق قلب الخوف والهمس .. ونس وحشية ليل الناس.. باللحن المهموم الطالع بكرى الإحساس من جمرة آخر انفاسك وانت بتغنى.!

مونولوج

صعبان عليه قيامك فى نصاص الليل تحلب بزاز الغنا وتقطر المواويل

ترضى الشاكى والباكى وقليل الحيل وتنسى حقك عليك ..

أيه اللى باقى فى إيديك؟ غير القليل القليل من حزن سهر عينيك وجفا الزمان العويل من مر أشعارك إتهد حيط دارك وشملت فى حرقة مرارك من أخدته دليل حين ضل مشوارك.!

الحب دا اللى وعدت الخلق بيه خذلك وقلبك اللى حرمته من الهوى عزلك صعبان عليه تدور فى الزحام – ولا حد قادر تشبه عليه أو تبتسم له بجد..

كافة بيوت الصحاب .. متقفلة الأبواب .. الهم طافح على الاعتاب .. وتم ومد لا حوش ولا مصطبة بتستنى أخبارك

وخوف خرس جارك أول ما شافك هرب منك فى جب عينيه ما قدرش لحنك يهز بعشقه أو تارك .. الصبح مش فى انتظارك.!

طعم الأغانى اختلف العشق صابه التلف وإنت .. لسه فى نصاص الليل بتحايل الشعر وبتشحت رضا المواويل غشمية والاعشم ح تولد البغلة والا .. لأن الدموع غير الكلام سهلة.؟.

صعبان عليه تعافر كل ده حرمان وكل دى أيام وكل دول .. شهداء .. طلع الوطن مش وطن والصحبة مش خلان – ولا الأبناء.!

أولادك اللى طلعت بهم زمان – فرحان سمعتهم مزيكة الألوان وقدرة الألحان على الاحلام.. إستكتروا فرحتك استخسروك فى الفرح يارباية الأحزان.!.

قانون الحياة والموت

دور حوالين شمسك حوالين جنونه نفسك هذا قانون للحياة والموت ع الصقر الطايح فى الملكوت.. وعلى الكتكوت السفروت .. على اسمك.

اللى ما صونتوش على يوك اللى ما عشتوش زيك زى النملة وزى النمر والملك العادل والقاضى المفلوت حتى على السمكة الكلبنت التهايهة ف قعرر محيط الاطلنط تخرج م البيضة تلف تدور حوالين نفسها.

- شمسها – تتبع عقلها – قلبها – لو كان عندها – تتبع حسها .. يسرقها الوقت وهى ف عز هموم بحثها عن فتافيت القوت تتم تمام ايام عمرها – يبلعها الحوت.!

قد يجوز . !

الكعب المغروز فى الطين يقدر يحم بالقمر الأزرق وبريحه زهر الياسمين وبقد ما بيصدق إنه ح يقدر يلحق وهله من ضى الشط الثانى والزمن الجاى يعشق ينجن يقاسى ويعانى..

جناحاته تشؤيله يتحقق ومؤكد .. إنه ح يلحق حتى ولو صدفه – ويسرق بلح الدنيا – أغانى حتى وهو بيغرق.!

ذكريات

عديت على البيت اللى كنتم فيه أيام ما كنت لينا قصة حب وقفت أنادى الماضى وأبكى عليه .. يا هلترى .. لسه حداكم قلب؟!…

إيه كان جرى لجل القطط تكرهنا وتسرع الخطوة بنا الفواتير الأرض نبعد عنها تندهنا.. ونطلق الميه فوق فى العالى بالمواتير..

فين يا زمان الفن والجماعة .. واللقمة مقسومة بينا والرغيف الحاف نفرح بزهر الهوى وبلسعة الدمعة .. عايزين نحب الوطن عاجزين – عليه بنخاف.!

نغنى (فى حب مصر) كاننا بنكرهها ويا أمه يابهيه توبك زى قلب نضيف كان كدب متساوى زى الصدق بس شريف محكوم عذاب السجون بسلامة النية تتحدى لؤم الزمان قلبك خفيف وضعيف بالحب قادرة على أشواقى يا صبية الدنيا فى كفة جافة بنت جنيه واحنا ف همومنا فى كفه لا تساعيها المحن خاب فى الصباح طننا خرجت عن طوقى شفت الجميل حبنا – طفل الهوى اتوفى!.

حلمك عليه أنا اللى حب ولا طال شى فى النكسة بعت القمر وكتمت ذات نفسى عطشان نزل له المطر لو ذله ما يبوح شى واحلم ببكره وانا يأسى جروح أمسى.!.

أعدى ع البيت أشوف الماضى – أتحسر تغيب الشمس. مين كان سرق سيفى منى وزن فى أودانى. شرخ صواتى فى همسى لا (أبو زيد) غزيت واكتفيت ولا طلبت اتبطر.

ويم طلبت النجاة حضرت أكفانى .. واتعترت قدمى فى الأموات – كانوا الأكتر يكفانى منك كفاية .. طعنتنى مرات بين طعنه والتانية انشد فيكى اشعارى أغمس فى دمك حنينى لغنوتك بالذات

واخاف ليفضح كلامى خوافى سر .. ما اتقالشى لا تعذرينى انا جنبك قليل الحيل .. طنيت جميع الطرق.

سكة ما يرجع شئ فيئست منذ البداية .. وقلت حبك ليل كفنت فيه الأمل صحبه ما يطلعشى .!

رنة وتر مسحور

بين جلجلات (الجيم) وصمت (النون) اللى بتلهد فى الجوهر المكنون صوتك خطفنى للشطوط البعيدة حيث الحياة بكريه لسه جديدة والناس عرايا فى مرايا البحار

فى نعمة تامة من سكون البداية .. لا لغو لا غيبة ولا يحزنون .. ما داقتش لسه مرارة الغربة ولا شافتش دموع فراق الأحبة .. لسه الوطن له مزايا ما دنسوش تجار .. ولارباية تكايا لسه الوتر له عود فصيح يعزفنى.

والعشق لسه حلم بيخوفنى .. أول ما تشغفنى الطيور الوليدة ورنة الأوتار .. كما نسمة ، غبش الفجر تلقفنى من كل مر وشر بتخففنى.

تكشف له كافة خافية الأسرار على اللسان تتخلق الأشعار واحتمى من غادرات الكون بصمت (النون) يكون حسب الهوى ما يكون الشمس تسعفنى بلفات اللون..

صوتك .. ملا قلبى .. فرح وشجون .. يا ام ابتسامة تجنن العاقل دلوقتى بس عرفت .. ليه؟. انا مجنون.!.

عطش

عودها العفى فى الحلم بيخايلك عصفور فى كفك لوهله .. كيف هرب منك داء الهوى فرق وما وفق .. طب عايزة إية؟ من بعد ما كبرنا .. ولخفنت لايام خطوط سيرنا على سهوة تخطفنى موجه بحرك الطامى..

دراعاتى تحضن حسرة أيامى .. عصفور يزقزق .. فى قلبى .. سامعه وأنا باغرق .. عطشان .. بتشرق .. ونهرك .. مش بعيد عنك!.

طبع البنفسج

ضحك البنفسج .. نادانى بلحظة .. وفتنى .. وانا يكايدنى الهوى لو مر .. وفاتنى .. يابو العيون الكحيلة ارجع .. وفوت تانى ..

طول ليلى سهران ويومى انتظار وحنين بستانى صار له على شوق المراوى سنين ما بين انين وحدتى فى جناين العاشقين.

وحلم شارد قديم يرجع لى محبوبى.. اللى فاتنى بعدما فتنى ..

وآدينى مستنى .. بخل البنفسج عليه ولم يفطنى إزااى جريح يبتهج بالجرح ويغنى..

وأزاى يبوح بالهوى قلبى إذا طاوعه .. وهو طبعه حزين ومحتشم ورزين .. أول ما بيحب .. يعشق عمره .. ما يتنى.!.

بقعة زيت .!

مشيت فى هوج الحياة .. قصدى البشر .. حجيت .. وهبت لك ملتى فى دنيتى ودينى وما خليت..

كتبت فى حبك قصايد يا ما لو .. وياريت وقلت ياما ولهواك غنيت قطعت بى فى السوق تباريح الهموم والخوف الناس دى مش هيه اللى راهنت عليهم اللى زمان عشمونى بحب كان فى عينيهم..

شطبت على صدرهم شبيت على أيديهم.. وف حوشهم الدافى بالحنية حبيت حبيت.. فأطمعونى وسقونى..

شبعت واستكفيت .. وعن الحرام بالحلال المر فطمونى انا استغنيت .. إيه اللى بدل ملامحهم .. وبدلنى عارفه انتى عارفه اكيد مين اللى بهدلهم .. وبهدلنى!. وبادلنى بارخص تمن وكبد قولنى..

بس انتى قلبك خفيف خايف يجاملنى .. وأنا الضعيف اللى شايل كتفه عتب البيت إذا ما تقلقل أساسه لو فى يوم نخيت..

إتهدفوق رأسى .. وهو يفضل كما هو فوق دمنا بيعوم .. كبقعة زيت !

ليل طويل جدا ..

نفسى اصطبح الصبحية بلمسة شوق حقيقة تاخدنى من الأحلام.. لحياة طبعية أفتح على همسة حنية عينية أشرف من نبعك ميه!…

قلبك فين؟.. أنا قلبى بييبس الحلام اللى ما شابش .. بييأس !.. صوتك فين؟.. مش سامى صوتك صورتك غايمة بتخوفنى بموتى سكوتك راعبنى بموتك – فى سكوتى .. أنا مش حمل لحزن جديد

أنا شقت قلبى المواعيد – الوهمية .. اللى خلانه عليه .. بتوتك .. مدى ايديك فى الليلى غطينى خدينى لأرضك وسيبينى قيدى شمع طاقات النور دلينى وبريق الإحساس البكر اسقينى أول ما اخضر ربيعى قصدتك..

ورهنت بكل سماحة طرح سنينى لوقتك صمتك طال فى ضلوعى اتخنق الموال ياما قال – ياما – ولا اتكلمشى غطينى.. اخبيكى برمشى..

هرباً م الماضى اللى ما كانشى للآتى اللى عينيه مراياتى ويوماتى .. أما أصحى الصبحية تهرب وياه الفرحة اللى بتخدعنى ليلاتى..

ضى الفجر يغرر بيه ولا يفسر شى.. ولاصبح الواضح .. بيهيأ ليه.. إن شفايفك قادت شمس على شفايفى!…

كان ياما كان ولا كان .. وما كانشى.. مازال محاصرنى اللهو المخفى ندى وردك مالمسش إيديه .. الصبح نيران أشواك فى عينيه الليل ما يزال – كشحل غميق وغطيس حواليه.

الليل من ساعة ما فوتينى .. سيبتيه حتى الآن بيعض ف قلبى ومارحلشى.!.

للعشق ناس

فيه ناس لسه بتقدر ع الفرحة – وناس متلبشة م الخوف بالطين .. وزى ما فيه ناس راضية بعدم الشوف فيه ناس مش شايفين .. على شقوها تفر وتهرب من كل ظروف .. وتحت للشعر الحزين ..

يا هلترى القلب العجوز انهد والألسة فيه رمق يرمح مع النغم السليم .. وإلا الجورح الفاجرة شرخت حرمته ، خلفت نغم نبضه وقتلت فيه حماسه البكر للعشق اللى عمره ضى لياليه اللى باقيه ليه بتحيى فيه وهج عمرهالقديم؟..

شايفك مازلت قادر تبتسم شوق للهوى وتفرح إذا ما لمحت ضل أثنين سوا ، م العاشقين المتعبين أو م الحيارىإنما قادرين على صهد المدينة وزحمة الغيبة ولفحة الكرة الجحيم .. بيحاولوا بعض .. ويسندوا اكتفاهم لبعض ويرسموا لبعض الأمل يفتح لهم باب النعيم..

لولا .. كده .. كان يبقى إيه الرسم والمزيكة ليه؟ والشعر اللى قادر ينعش الأحاسيس يدوزنها على الوتر الرخيم..؟ ..

أو يبقى إيه يلزم نفس ينهج رهيف فرحان قوى يخرج .. ويدخل فى ضلوع طفلة بترسم وردة حية جميلة وان كانت عجيبة الشكل مش خايفة.

وطالعة تنادى ع الشمس اللى طالعة من سديم الليلى يوماتى ، تحيى وتصحصح تصحى بذرة العشق اللى نامت عمر فى قلب الرميم.!

طفل عجوز شقى..

ما اقدرك اعوم غير فى اتجاه القصيدة ولا أطير غير لاكتمال القمر!

الشعر غاية احتمال الحياة ونفسى اهدا فى مقام السفر.!..

بافرح قوى بلعب المياه ع الحجر واللى الحجر يرسمه ساعة يشق المياه .!..

ياللى انت حبك محملنى غياب القمر وقلة الإنسانية فى قلوب الناس .. مقبولة منك.. تلومينى لو خبى الغمام الشمس وبخل على الأرض وحرمها نزول المطر..

لكن أعفى عن ذنبى الجميل – إياه انا بارتعش لـ اللمس أيوه وبانتشى بهمس النسيم للزهور واطير فراشه خلف ريحة اللوز ينط فى صدرى طفل عجوز لضحكة بنت لضلة ناعمة عند شط الشجر.

لكنى دايما وبادا – قبل أيها حد .. ح أموت فداكى بجد ساعة الخطر. !

بكل بساطة .!

من غيرك الشمس ح تطلع من غيرك .. ومسيرك الأرض ح تنسى خطوط سيرك مع إنك عشت هلمه وملو هدومك كعبك بيدق بقوة ذنبك فى دماغ قومك..

طبلك بيشوش على خبلك على دقة قلبك يومك .. بيشد جدورك من طمى أمبارح امجاد وفضايح بيدارى العز الرايح خلف الناب الجارح.

لذا أول ما ح ترخى بناديرك تخجل ألوانها وتبهت قدام الحلم المقهور الصابح يتحدد ببساطة مصيرك زى بساطة مد البحر المالح ..

ونسيم الصبحية السارح .. وبساطة الدود اللى بنهش فى جت

متر الوطن بكام

 

دفاتر العامية المصرية – دفتر تمانية

متر الوطن بكام

سمير عبد الباقى

دار الحسام

متر الوطن بكام ؟ العيال المخبرين صبحم دكاترة واللى كان باير فى سوق العيب جبر

حسره على اللي في الوطن شبعهم مذاكرة يخبزوا الأحلام ، وعيشهم .. ما خمر

فى حب مصر

فى حب مصر باكتب عشان رعب خايف يومى من بكره .. خايب

غفرت الذنوب ما قدرتش أن أكره حتى اللي مرمط سيرتها وباعها فى السكره

يوم كانت الفكرة – فاق سال دمه في الأسواق

فى حب مصر فى حب مصر اتفرط عمرى ولميته واللى فضل منها جوه القلب خبيته

أنا الذي ذلنى كل اللى حبيته اللى قاسيته نسيته من الألف للياء

فى حب مصر هرس العساكر أديمها كل ملة ولون اتكلفتت فى قديمها

قبور ودين وفنون تهرب له من بكره خوف على عقلها المسجون

كل الجنون تعلقه حين تقتله الأوراق .. فى حب مصر

طول عمرها – الوالى تركى يا تتارى يا صرب ..

يا شركسى أرناءوط من سرب يورث سرب كافة حميرها تفرق السباخ م الشرب

وهمه ما فرقش بين الوجع والداء فى حب مصر

الأولانى بيرمى فضايحه ع التاني سلسال تفرعن مالوش أول أو آخرانى ..

أوركستر الكدب سرقه .. أغانى ومبانى قصور لموتى وقبول للشعرا والأحياء ..

فى حب مصر كم فلاحينها استموتوا فى الطين عاشوها ع السحت موتى إن كانوا أو حيين

نشوها جنة .. عاشوها نص جحيم فى الغيظ يموتوا كمد ولا يحسبوش شهداء

فى حب مصر .. فى حب مصر اتلهيت على عينى حبيتها حرقتها

ف كل قطرة ف دمى وطفيتها طفحت على جتتى وأنا ظنى خبتيها

تهمونى بيها .. فغنيتها .. قتلنى الداء فى حب مصر ..

ويا حسرة اللى مالوش الخيرة فى حبه يزيد عليه المرض يفرى الوجع جنبه

كدب اللى حبه بيهرى فى دماغ شعبه يظل ذنبه لابنه وابنه يشكر الآباء .. فى حب مصر

لذاكم فى نفسى يا مصر أشكى لك كافة ولاد يوم خلفتى من اللى عكروا ماء نيلك

للى فاتوكى اتخلقتى وم اللى نسوا يعدلوا ميلك للي باعوكى اتسلفتى ..

سجنت روحى ف مواويلك .. كل اللى حيلتى اشتم .. وافتى ..

وبرضه اتهجى الأسماء ما فرقت مين حبك بغباء .. ولا مين بلاكي بسم الداء ..

ولا اللى رعبك ورماكى بعلته .. ما لحقتى العصر !

عما

طول عمرى باشوفك بتطول ليلك وتهد بنفسك حيلك وترد اللى حب يجى لك ..

ترفض مين يحفظ مواويلك وتحط اللى يشيلك .. تمجد كل اللى سقاك المر ودعم عرشه

بويلك .. ما فهمتش سر خيابة أملك .. إلا ما شفتك وانت العطشان – من خبلك بتجفف نيلك !

سلاسل

 طالقينك للمستقبل خانقينك بخيالات الأمس .. جرحك ممنوع م اللمس ..

بتكوي لسان جمرة لهاليب الحمى ماسكين لك إنه ؟. والا مالكين فيك العنه

عشم المكسور النفس ف نعم الجنة تقفل شبابيك اللى يجيك منه الريح

تتعوز من شياطين الآه – شوق المجاريح .. بالتباريح .. انكتم .. انسد

خيبتك مش على حد – الجهل مريح بيخليك ع القد

ما تخطيش حد ولا تخطيش محصن نفسك من نفسك بالصلوات الخمس !

أصدقاء

مين فيهم يوم ما يصادفه عفريته بيفكر فيك ؟ أو لما يسأل عنك مخبر بيدارى عليك

مين فيهم شال وياك حملك ؟ حين عجزت ع الحمل ايديك

يا خايب .. ماكنتش ح تعاتب .. لو فيه حصوة ملحة فى عينيك !

اعتزال

آن الأ,ان نترمى حمولك .. ولا تنشغل باللى ما هولك .. شلت الهموم أحمال أجيال

ووقفت فى الأزمة بطولك .. آن الأوان ترتاح .. ريح جرحك مجوهر ومملح ..

لو كان مقدر لك تفرح كان الحزين صدق قولك .!

طموح

راعيت ياما يا أبو الهول الأصول وساعة القول عماك الخوف تقول ..

طرمست سن قلمك وخرست حسن ألمك صبح وجودك عله أشبه بعدمك

عشمك رشا إنك فى يوم ح تنول .. جايز يجوز بكرة تحقق أملك

لو يوم قدرت وشفت دون حلمك .. ساعتها ممكن يسمحوا ويسامحوا ..

ويسيبوا ايديك لجل مرة تطول !

خيرة هم

يا عم افهم الأمر واضح الكدب أفصح من أى ناصح

والصدق أصبح كما فعل فاضح .. فاقبل هواهم مادام معاهم

اللى بلونا بزمن فضائح قبوا النهارده ورمونا أرضاً

نهرب يا نشرب من بير هوانا على هوانا

فيا إما تعطش ألم معنا يا تروح تعب الندم .. صفايح

اكتشاف

تعرف .. إنك كل ما ح تحاول تعرف .. ممكن تعرف

لكن أول ما بتعرف إنك تعرف تبتدى فعلاً تعرف –

إنك قلة وواقع من قعر الحلة محكوم بالجهل وبالحاجة وبالعلة

ومقطف وبدون أودان ساعتها بتفهم لو إنك إنسان ..

ليه كل ما تعرف .. بتحس إهانتك وبتقرف .!

للضرورة احكام

كل الطيور هجت من العش صبح الغرام له طعم المش

وح تعمل إيه ؟ يا طير عشاق حتى اللقا فيه  طعم فراق

تموت من الحرمان مشتاق وتبتسم من باب الغش !

عالم تالت

رضا العويل بشروط يا تعيش معاه ذليل ووراه تكون له ديل

يا حدوة كعب خيل يا عروسة بالخيوط ..

مافيش سواه – دليل .. إلا إن لقيت بديل – قتيل هواه يموت !

خيره غم

وموهوب ؟ .. ح يلوعوك .. شريف ؟! يجوعوك ويقولوا الحالة أزمة ..

شعرك .. مالهش لازمة .. لكن – لو تبقى جزمة يمكن يلمعوك .!

كل برغوت على قد دمه

فى عصر عدم الحساسة خطية موالك ..الكدب أصبح موضة – عقبى لك ..

قول ما بدالك .. آخرتك سودة .. والجودة بالموجود باقية لك ..

هنيا لك .. طالت النجاسة خيالك يا عديم خالك !

بناء فوقى

غدرك زمان الديابة الكدابين ألوان ..الصدق يا دوب سحابة ..

وبخبخة دخان بين كدبة تسم البدن .. وكدبة تملا بالخيانة ديوان !

أقدار

الكدب له منطق معدول والصدق مهزوز كالبندول المعنى قرفان م الكلمات

معدش أصحاب ولا خلان ولا حتى اخوات

الشاعر بيتاجر فى جثث الأموات ولا بيراعى سن ولا حلم ولا أصول

البيت رنخ ريخ خايخ زهقان م الأساسات

وركبنا إحساس الذات – العاجزة عن طعم اللذات

الغول ابتول خوفه المجهول .. فى أطباق الفول

فحق على الوطن / الفقرا – فصل القول !

تباديل

كل شىء كان باختيارك حتى موت وخراب ديارك

كنت شارى التاريخ مقدم بعت له ورجعت تندم ؟!

كان حلالك مش بلالك خوف وعلى قلبك محرم ليه حرامك صار حلالك

وضميرك بات مخرم ؟ يا مرارك .. يوم ما تبقى يا شعرى – عارك حب مصر !

القضية ..

باتيه القصيدة مخشبة ف زورى الخوف ملبشنى بين أحزانى وسرورى

كل القضايا بقت فى السوق بخمس وسدس .. والقدس ؟!

ما بقاش لها غير شعر حنجورى وجريدة ريسها أشول .. عقله بعجوري !

وملك جمنهورى.

تاريخ

يا لهو قلبى عليك يا مصر يا بره أى نظام وعصر

علم خيالك الكون بحاله وإنتى عبده – حداكل قصر جوه الزريبه

فى لاستبالية فى عشه واطية أو قبة عالية ..

يمصوا دمك .. ويعصروكى فى الهم عصر

ويوم الخيانة ياخدوا الميدالية

ويشربوكى الهزيمة .. نصر .. !

الهم

لا تقول لي ولا اقولك السوس منخور فى خشب ضلك

سنة من سنة بتقل وتصغر على كلمة الحق تستعفى .. وتستكبر

وأنا كالغبيط العبيط ع البردعة باتشطر

والجحشجية اللى كبروا على رغيب ذلك متسلطين ..

متسلطين من أجل يا أذلك .. وأستغفر

من حزن عمرى اللى خلق شعرى – يا استحمر ! أهلل لك

جت منهم

صرت باتمنى خيانتهم إنما ربايتى الجبانة

وسوست لى أصون غيبتهم .. كان بخاطرى – اللى قلته

سواء غضب أو غضب عنى .. كنت راضى – باللى شلته

سوا زعلان أو باغنى .. على قدى وعندى ياما وقصايدى كبرتهم

صغرونى .. من خيبتهم وغفلة منى سبقونى بالخيانة ..

حررونى من جنونى وعلمونى اكشف عيبتهم !

الربيع المصرى

آه .. يا بقر ملعون أبوكو حمير غجر الشعر أرخص م الشعير

والجحش أفهم من الأمير وقلبكو أخرس حجر

عمال اصرخ فى الغيطان (ريان يا فجل !)

لا الكون وقف على نص رجل ولا شفت عجل نعر ولو كان رد فعل

ما حد عايز يشترى ..الكل بيفاصل يبيع .. حتى الربيع

هايج كإنه وزير خليع عمال يكسر فى الشجر !

خيرة ذم

تقدر تقول مين البقر من البشر من اللى نازلين مأمأة تحت الشجر؟

تقدر تقول مين العجول ومين الديول ؟

من اللى نازملين حش من برسيم وفول تقدر تقول ؟

ماعدش فرق بين الرجال ولا الفصول لا الشرف قيمه ولا خوف على الأصول

الكل من أجل الوصول باع الوطن غل وبطر وحجته ان الغيام خبى القمر !

قعر الحلة

إيه لسه فيه الجراب يا حاوى ؟ مخبى إيه لسه م البلاوي ..

البركة نشفت وطينها شقف ابن الحكومة الخبير المثقف ..

حسب أوامر الغفر يسقف فى الأوبرا سنتر .. أو ع القهاوى !

هبل

زعق الحرامى .. سرقونى .. كدبت من رعبى ظنونى ..

والشك زود لى شجونى .. أنا – اللى وقع لى سنونى

هموم لها عمر سجوني .. حمار .. وماقدرتش أصدق ..

طلعت من جبى اتحقق العسكر اللى بتحلق طفوا الحريقة .. وتهمونى!

الموعظة الحسنة

الرأسمالية .. نهبتنى وأنا عارف إنها – حرامية ..

والاشتراكيين الكمل سرقونى أنا وكل الهمل ..

على إسم خمسين فى المية .. طلع لى شيخها الشعراوى ..

وأنا الضحية يأتتنى .. ع الكفر وسلامة النية !

غل

العيشة بقت صعبة بجد ماحدش طايق حد

واللى انت لبسته امبارح صابح مش جاى ع القد ..

تتعتر فى الرصفان قلقان مفحوم متهان ..

جواك إنسان هربان براك باهته الأوطان كافة سكك الأحزان

ترميك فى الحارة السد خوفك عكر فى عينيك تزغر لى أبخ عليك ..

شوقك .. يطلع فى إيديك – وأنا ابوك اللى مربيك – تلزقنى جوزين ع الخد !

رجولة !

يا حبيبتى لكى محبتى .. على شرط تكونى جاريتى .. ورده منقوشة على مخدتى ..

أشبكها إن عزت ف شال عمتى .. على قد ما امد الحقى خطوتى ، منطقى كلمتى

على حسب هواى وجهة نظرتى ، ضعفك قوتى ، خلفك عزوتى

وتجوعى وتشبعى ببواقى بقية باقى لقمتى

تدخلى تخرجى من جلابيتى .. تنزلى تطلعى تلبسى تقلعى

ساعة ما اهواك – ألقاك على طول – جثة ممددة جوه ف فرشتى !

مجد

للسلطة شهوة أقوى من النسوان  وحدا المرة أنكح من الرجالة ..

حين تعتليها حتى لو بلهوان .. يظبطوا عرضك بطول الحالة ..

يشمروا لك فى الشتا القمصان .. وان شئت يبقى الصيف بلا قيالة..

يشربوك البحر بالفنجان .. ويدمسوا لك شعب فى الفوالة ..

فتنجعص على الكرسى بيه / سلطان وعباية امك من زبالة البالة !

ع الموضة

فى عصر طبيخ الديمقراطية الشايط وف مصر الهامبرجر والفن الهابط والأدب المكشوف

فى مصر العسكر والأوهام المدنية المرة والشيبس وعدم الشوف

تصبح موضة الأحلام والأفكار والأحزاب زى اللبس

لذا بيليق البكا والعايط ع الشعرا المعدومين الحس ..

واللى بيخجل من نفسه يتخبى .. واللى ح يقدر يكشف وشه للسوق الحرة

ح يتعلب وح يتعبى شرايط .. (شعر كليبس) !!

تحولات

الناس دى أكيد غير الناس .. المصريين ماعادوش مصريين ..

والا أنا مش أنا ؟ واحد تانى .. الخايب أصبح عدوانى

والعايب داس ع القوانين والجاهل عامل علمانى ..

ولا عاد للحب ولا للحزن اللى م القلب أغانى

السيما مالهاش قيمة الشعر ماعادلوش سعر وسرقه السكين

الفن التشكيلى مؤامرة خردة وقلة ذوق تايهين ..

بان قعر الحلة وانكشفت لعبة حظك يا مسكين من يوم ما صبحت انت الفرود

القيم سيد العارفين .. وقعدت على الكرسى تلعب فى عقول الملايين

مع إنك عارف أن ماعادش لكرسى أمان .. حتى لو جددوا لحسن مهران .. عمك عاطف صدقى " بعد ما قفلوا على صباغه ضرب الدكان طالع ع الشاشة وبالألوان ..

كومبارس ف حلقة فوازير رمضان .. والاخت الفنانة مرات المرحوم الفنان

نزعت توب الأحزان وحزام العفة لما وقعت من قعر القفة

فرشت ع الأرض ستارة المسرح .. علشان تتكلم بعضشى فى التليفزيون !

أوهام شعبية

شوبش على كل التجار .. من كتبة أشعار.. لصحافه لثوار

زغروطة على رأس الميت بانى السد وهادم بارليف

على على كتافه الأهرام – المتصيت اللى ضيع أحلامه بغشمية

على وهم ينول الحرية على إيد ضباطه الأحرار !

حب أعمى

غنيت له بكل حماسه .. هونت عليه الليل ..

ما قبلش غيره رياسة .. ومليت عصره مواويل

كان شعرى غذاه اليومى .. كان دمى ف سككه دليل

لكن ملاعيب الساسة وأباطيل التضليل

عايزينى بكل خساسة وبدون أيتها حساسة

أنسى ذلتى بهوايا ومن أجل رضاه / برضايا ..

فى قفاه اتركب .. ديل ‍‍‍!

سياسة

لبوه .. وح تعمل إيه فى فيل مفترى . برطع يدهوس فى النجيل الطري ..

يضرب بزلومته النخيل يقتله .. فى حين جرى السبع فلسع فى احترام عبقرى ..

خيانات

إدبحه فى السر وقول دا – نفق وإن خفت تقر إعمل له اعمل له – نفق

القتل يجوز من أجل تعيش .. دا قانون الجيش لو يا كل عيش

أحلى من الحب الشرعى .. رفق ‍!

حراشيف

أنونه تحفة وحيزبون الدهر أهل الروتين سلطونها تمضى طول الشهر

بالاستمارة تصلى ترتل الأراشيف

وناوية للقبر تاخد الكرسى وش وضهر !

مثقفين

مثلث الرعب فى وسط المدينة تاريخ تلاقيه فى لندن وبكره نشوفه فى المريخ

مثقفين نص لبه – غبارة .. شبورة .. بنفس مكسورة ترضى بقشرة البطيخ !

حظوظ

ليه يا بنفسخ حزين ؟! قال لك من الباشا

من مدعى بالنبوة وهو أمباشى جعل الفنون فرض قوة ووهم حشاشه

وجعل القليل المروة أبو ضحكة مسمومة مستعرض الشاشة

شرف الحكومة – وخالته الغوله ، هباشة !

بعد نظر

مادام دراعك عسكرى طاوعه الميرى وياه متين شرعى وله سلطان

من غير ما يطلبها منك ع الملأ بايعه إياك يا ابو الشوف تلاوعه

نخ يا غلبان .. من صغرنا ، العسكرى طبعنا لطبايعه

عشنا فى حماه ملطشة للخوف وللحرمان !

متواليات

مادمت فهمك دون وعلى قدك عايش سليم النية مش عايب

خليك أمير والزم حدود حدك أكيد ينوبك م الرضا جانب

وإذا حظ أمك ضرب .. وصبحت شيخ العرب

فاعقلها يا خايب .. واطع بنايب ولا تحارب ظهور سعدك ..

لو بيت أبوك اتخرب ما تفوتش فيه قالب ..

ملعون أبوه اللى راح يركبها من بعدك !

جوايز

حمار من اللى ثقافته محبكه ع القد مهروش بتفضح كتابته جهل فاق الحد

السبع كرم سيادته زوقه ركوبه .. نهق يباهى بخيبته اللى ماهيش على حد !

فقر

أقرع ونزهى وشاعر من منازلهم حال يدغدغ جميع من سبقوا ويزيلهم

طلع بطبله وزمارة لى لابواب .. يشتم سياده وإذا عشوه يغازلهم !

استزاف

العسكر .. همه أصل العلة والأوهام والجهل ..

فقر الأحلام وجفاف الروح والعقل همه اللى قطعوا فيك الخلفه .. يا بغل

حرموك لبن الأم خرسوا كلمات العشق العدل

حكموا فيك الواطى والخاطى والندل ..

طحنوك بين أسنان الحوجة والأيام ..

لا اتمتعت بهوجة الحرب ولا عمت معاهم ع الموجه اتهنيت بسلام

عنوسة ثقافية

القطر . فات الولية الهبلة زى العسل ..

فاستقطعت .. تعجن تلت الكلام اللى ما يعرف خجل

إن قرعت برطعت وان سرسعت سمعت

لكن إذا ما حرقها العش زحلقها .. أشواقها تحسب قرش أرزاقها

ترهن حلقها تفك خناقها وإذا فرقعت لعبت فى أزرقها

وتقول لك اتسرعت حباً فى خيبة الأمل !

الزمار

سرك .. بير . بيرك سر ياللى عملت الملعوب .. قر

كنت يسارى قرارى حويط اشتطيت لما استصغرت ..

ابتطيت حين استكثرت .. يا اتدكترت يا اتدسترت ..

وبعد خراب الغيط والبيت استبصرت ! !

فاتنحررت قوى اتحررت .. نطيت فى العالى اتبعترت ..

ياتسطرت بقيت .. مان